Aqsý ferroqorytpa zaýytynda kúıip qalǵan mashınıst qyz komaǵa tústi

<p>PAVLODAR. KAZINFORM - Buǵan deıin atalǵan kásiporynnyń eki kran mashınısi kúıip, onyń biri aýrýhanaǵa jatqyzylǵanyn habarlaǵan edik. Jas qyzdyń denesiniń 80-85 paıyzyn kúıik shalǵany anyqtaldy.</p>

Tótenshe jaǵdaı 24 mamyr kúni bolǵan edi.

Aqsý ferroqorytpa zaýytynan habarlanǵandaı, jumys kezinde eki kran mashınısin termııalyq kúıik shaldy. Zardap shekkenderdiń biri Aqsý ortalyq aýrýhanasyna jetkizilse, biri medıtsınalyq tekseristen keıin úıine qaıtaryldy.

Belgili bolǵandaı, zardap shekken 25 jasar qyz Pavlodar qalasyndaǵy №1 aýrýhanaǵa jatqyzylǵan.

«Óndiristik jaraqat saldarynan patsıenttiń denesiniń 80-85 paıyzyn termııalyq kúıik shalǵan. Basy, bet álpeti, moıny, keýdesi, qol-aıaqtary kúıip qalǵan, kúıik shogynyń úshinshi-tórtinshi dárejesi tirkelip otyr. Qazirgi ýaqytta ol jansaqtaý bóliminde, komada jatyr, ókpeni jasandy demaldyrý apparatyna qosylǵan», dep habarlady №1 Pavlodar qalalyq aýrýhanasynan.