Aqsý ferroqorytpa zaýytynda kúıik shalyp qaza bolǵan qyzdyń isi sotqa jiberildi

<p>PAVLODAR. KAZINFORM - Aqsý ferroqorytpa zaýytynda bıyl mamyr aıynda bolǵan qaıǵyly oqıǵany tergep-tekserý sharalary aıaqtaldy. Atalǵan kásiporynda eki birdeı kran mashınısin termııalyq kúıik shalyp, onyń biri jansaqtaý bóliminde kóz jumǵan edi.</p>

Buǵan deıin habarlaǵanymyzdaı bıylǵy 24 mamyr kúni Aqsý ferroqorytpa zaýytynyń eki mashınısi kúıip qaldy. Keıinirek kúıip qalǵan qyzdyń biri komaǵa tústi.  Onyń denesiniń 80-85 paıyzyn kúıik shalǵany anyqtaldy.

Ókinishke qaraı, qyz bala aýrýhananyń jansaqtaý bóliminde kóz jumdy. Al ekinshi qyz ambýlatorııalyq negizde em alyp, jazylyp shyqty.

Óńirlik eńbek basqarmasynan habarlaǵandaı, qazirgi ýaqytta qaza bolǵan 25 jasar qyzdyń isi sotqa jiberildi.

«Bul oqıǵadan Aqsý ferroqorytpa zaýytyndaǵy qaýipsizdik sharalary óz deńgeıinde uıymdastyrylmaı otyrǵany baıqaldy. Kranǵa ilingen travers ilmeginen shyǵyp ketken. Saldarynan kran kabınalaryna suıyq metall shashyraǵan», dep málimdedi basqarmadan.

Belgili bolǵandaı, eki kran mashınısi de atalǵan zaýytta bes jyldan artyq jumys istegen.

Eske sala keteıik, Aqsýda kópqabatty úıdiń terezesinen qulaǵan áıel aǵash butaǵyna ilinip aman qaldy.