Aqsha jymqyrýdyń santúrli tásilderi joıylar emes - QR Prezıdenti
«Memleket tarapynan qabyldanǵan sharalarǵa qaramastan kóleńkeli ekonomıka máselesi sheshimin tappaı otyr. Jalǵan fırmalar ashyp, aqsha jymqyrýdyń santúrli tásilderi joıylar emes. Shyn máninde buǵan qarsy tıimdi kúrese almaı kelemiz», - dedi QR Prezıdenti.
Memleket basshysy quzyrly organdar kóbine tıisti sharalardy der kezinde qoldanbaı otyrǵandyǵyn aıtty.
«Sonyń saldarynan kinásiz kásipkerler de zardap shegedi. Al naǵyz uıymdastyrýshylar jaýapkershilikten qutylyp ketedi. Sondyqtan zańsyz aınalymǵa qarsy kúres sharalaryn kúsheıtip qana qoımaı, bul iste tyń serpilis jasaý kerek. Keńes músheleri osy jumysqa bıznes ókilderin jumyldyrýdy usyndy. Ózderiniń yqtımal kontragentterin baǵalaý jáne tekserý úshin olarǵa tıimdi qural berý qajettigi aıtyldy», - dedi Q.Toqaev.