Aqsha-kredıt saıasaty qashan jeńildetiledi
«Inflıatsııa boljamdy traektorııaǵa baılanysty qalyptasýyna qaramastan, proınflıatsııalyq táýekelder saqtalyp otyr. Inflıatsııanyń negizgi táýekelderi: saýda qurylymynyń ózgerýi, jedeldegen ınflıatsııalyq kútýler, joǵary azyq-túlik ınflıatsııasynyń saqtalýy, ákimshilik retteý kezeńinen keıin retteletin taýarlar men qyzmetter ınflıatsııasynyń artýy, Ýkraınadaǵy soǵysqa qatysty belgisizdik. Álemdegi yqtımal retsessııa kezinde syrtqy suranys biz boljaǵanǵa qaraǵanda tómen bolýy múmkin. Logıstıka sharttary da belgisizdik týdyryp otyr. Munyń barlyǵy munaı baǵasynyń bolashaqtaǵy deńgeıine, ekonomıkanyń ósý traektorııasyna yqpal etýi múmkin», - dedi QUB tóraǵasy BAQ ókilderine arnalǵan brıfıngide.
Onyń atap ótýinshe, ınflıatsııa bazalyq stsenarııge sáıkes qalyptasatynyn eskerip jáne táýekelder balansyn nazarǵa ala otyryp, Ulttyq bank bazalyq mólsherlemeni kóterý tsıkliniń aıaqtalýǵa jaqyndaǵany týraly ustanymyn saqtaıdy. Jańa shoktar bolmasa bazalyq mólsherlemeni odan ári arttyrý áleýeti shekteýli.
«Inflıatsııalyq kútýdiń joǵary deńgeıde turaqtalýynyń proınflıatsııalyq táýekelderin eskere otyryp, bazalyq mólsherlemeni uzaq ýaqyt boıy osy mánde ustap turý talap etiledi. Aqsha-kredıt saıasatyn jeńildetý ınflıatsııa men ınflıatsııalyq kútý turaqtanǵan kezde múmkin bolady. Bul orta merzimdi perspektıvada nysanaly baǵdarǵa jetýge múmkindik beredi», - dedi Ǵalymjan Pirmatov.