Aqsha aıyrbastaý pýnktilerinde dollar 472-478 teńgeden saýdalanyp jatyr

ALMATY. QazAqparat - Nur-Sultan men Almaty qalalaryndaǵy aqsha aıyrbastaý pýnkterinde dollar 472- 478 teńgeden saýdalanyp jatyr, dep habarlaıdy QazAqparat tilshisi.

Kurs.kz derekteri boıynsha, Nur-Sultandaǵy valıýta aıyrbastaý oryndarynda 1 dollar 473 – 477 teńgeden satylyp jatyr.

Al Almatyda dollar baǵamy 472 – 478 teńge aralyǵynda qubylyp tur.

6 qyrkúıek keshki saýda qorytyndysy boıynsha, dollardyń ortasha baǵamy 0, 01 teńgege tómendep, 472, 51 teńge bolǵan.

Ulttyq banktiń 7 qyrkúıektegi resmı baǵamy – 1 dollarǵa 472, 47 teńge.

Dál qazirgi ýaqytta Almatydaǵy aqsha aıyrbastaý oryndarynda Reseı valıýtasy 7,25 – 7,65 teńge aralyǵynda saýdalanyp jatyr.