Aqsha aıyrbastaý oryndarynda dollar arzandady

ALMATY. QazAqparat – Astana men Almaty qalalaryndaǵy aqsha aıyrbastaý pýnkterinde dollar 439-444 teńgeden saýdalanyp jatyr, dep habarlaıdy QazAqparat tilshisi.

Kurs.kz deregi boıynsha, Astanadaǵy valıýta aıyrbastaý oryndarynda 1 dollar 439,7 – 443,7 teńgeden satylyp jatyr. Al Almatyda dollar baǵamy 441,5 – 444,5 teńge aralyǵynda qubylyp tur.

23 mamyr keshki saýda qorytyndysyna sáıkes, dollardyń ortasha baǵamy 3,16 teńgege tómendep, 441,76 teńge bolǵan.

Ulttyq banktiń 24 mamyrdaǵy resmı baǵamy – 1 dollarǵa 441,74 teńge.

Reseı rýbliniń ortasha saralanǵan baǵamy 5,51 teńge boldy. Almatydaǵy aqsha aıyrbastaý oryndarynda Reseı rýbli 5,4 – 5,6 teńge, Astanada 5,45 - 5,55 teńge aralyǵynda usynylýda.