Aqsha aıyrbastaý: dollar 477 - 483 teńgeden satylyp jatyr

ALMATY. QazAqparat – Astana men Almaty qalalaryndaǵy aqsha aıyrbastaý pýnkterinde dollar 477 - 483 teńgeden saýdalanyp jatyr, dep habarlaıdy QazAqparat tilshisi.

Kurs.kz derekteri boıynsha, Astanadaǵy valıýta aıyrbastaý oryndarynda 1 dollar 477,5 - 481,5 teńgeden satylyp jatyr.

Al, Almatyda dollar baǵamy 479 - 483 teńge aralyǵynda qubylyp tur.

12 qazan keshki saýda qorytyndysy boıynsha, dollardyń ortasha baǵamy 2,69 teńgege qymbattap, 477,92 teńge bolǵan.

Ulttyq banktiń 13 qazandaǵy resmı baǵamy – 1 dollarǵa 477,89 teńge.

Reseı rýbliniń ortasha saralanǵan baǵamy 0,05 teńgege arzandap, 7,49 teńge boldy.

Dál qazirgi ýaqytta Almatydaǵy aqsha aıyrbastaý oryndarynda Reseı valıýtasy 6,85 - 7,25 teńge aralyǵynda saýdalanyp jatyr.