«Aqsha, áıtpese jaramyn!»: Qaraǵandyda oqýshy qyz ákimdikke hat jibergen

<p>Tanysymen janjaldasyp qalǵan oqýshy qyz onyń atynan polıtsııaǵa jalǵan habarlama jibergen.&nbsp;<a href="https://kaz.inform.kz/" target="_blank" rel="noopener">Kazinform</a>&nbsp;bul týraly&nbsp;<a href="https://polisia.kz/" target="_blank" rel="noopener">Polisia.kz-ke</a>&nbsp;silteme jasap habarlaıdy.</p>

«City Mall» saýda ortalyǵyna bomba qoıylǵany týraly jazba oblys ákimdiginiń elektrondy poshtasyna kelip túsken. Hatta oqýshy qyz bombany jarmaý úshin tólem talap etip, tanys qurbysynyń nómirin kórsetken.

«Oqıǵa ornyna dereý jetken shuǵyl qyzmetter saýda úıinen 200-den astam adamdy evakýatsııalap, ǵımaratta tekserý júrgizdi. Alaıda eshqandaı jarylǵysh zat tabylǵan joq.

Іzdestirý is-sharalarynyń nátıjesinde qaraǵandylyq jedel ýákilder habarlamada kórsetilgen abonenttik nómirdiń ıesin – 14 jastaǵy qyzdy anyqtady. Biraq odan ári tekserý barysynda habarlamany onymen sózge kelip qalǵan qurbysy jibergeni anyqtaldy», - delingen polıtsııa málimetinde.

Osyǵan uqsas jaǵdaı Petropavlda boldy.

102 pýltine «Dostyq Mall» saýda, oıyn-saýyq ortalyǵyna jarylǵysh zat qoıylǵany týraly habar túsken. Saýda ortalyǵynan dereý kelýshiler men jumysshylar evakýatsııalandy, oqıǵa ornyna polıtsııa, tótenshe jaǵdaılar jáne basqa da múddeli qyzmetter jetti. Jarylǵysh zat tabylǵan joq. Jalǵan habarlamany kámeletke tolmaǵan bala jibergeni anyqtaldy.

Medıtsınalyq kýálandyrýǵa sáıkes 16 jastaǵy jasóspirim mas kúıde bolǵan.

«Bul faktiler QR Qylmystyq kodeksiniń 273-baby boıynsha tirkeldi (Terrorızm aktisi týraly kórineý jalǵan habarlaý). Tergeý barysynda eki jasóspirimniń de zańdy ókilderiniń zań aıasyndaǵy jaýapkershiligi qaralady», - dep tolyqtyrdy polıtsııadan.