Aqsha aıyrbastaý: shetel valıýtalary neshe teńgeden saýdalanyp jatyr

<p>ALMATY. KAZINFORM - Astana men Almaty qalalaryndaǵy aqsha aıyrbastaý pýnktterinde dollar 483 - 488 teńge aralyǵynda saýdalanyp jatyr.</p>

Ulttyq banktiń 21 qazanǵa arnalǵan resmı baǵamy — 1 dollarǵa 485,04 teńge. Reseı rýbliniń ortasha saralanǵan quny — 5,04 teńge. Eýro — 525,98.

Kurs.kz málimetinshe, qazirgi ýaqytta Almatynyń aqsha aıyrbastaý pýnktterinde dollar 484,3 teńgeden satylyp jatyr, satyp alý baǵamy — 487,3 teńge. Eýro 524,5 - 528 teńge aralyǵynda qubylyp tur.

Al, Astana qalasy boıynsha dollardy satý baǵamy — 483 teńge, satyp alý quny — 488 teńge. Eýro 523 teńgeden satylyp, 529 teńgeden satyp alynady.

Dál qazirgi ýaqytta aqsha aıyrbastaý oryndarynda Reseı valıýtasy 4,99 - 5,12 aralyǵynda saýdalanyp jatyr.

Aıta keteıik, 18 qazan keshki saýda qorytyndysy boıynsha, dollardyń ortasha baǵamy 2,52 teńgege tómendep, 484,61 teńge bolǵan.

Buǵan deıin Ulttyq bank tóraǵasy osyǵan deıin jyl basynan beri teńge baǵamy 5,8% álsiregeni týraly aıtqan bolatyn. 

Sondaı-aq qarjy sarapshysy Rasýl Rysmambetov teńge qunynyń álsireý sebebin túsindirdi.