Aqsha aıyrbastaý: shetel valıýtalary neshe teńgeden saýdalanyp jatyr

<p>ALMATY. KAZINFORM - Astana men Almaty qalalaryndaǵy aqsha aıyrbastaý pýnktterinde dollar 487 - 492 teńge aralyǵynda saýdalanyp jatyr.</p>

Ulttyq banktiń 4 qarashaǵa arnalǵan resmı baǵamy — 1 dollarǵa 488,11 teńge. Reseı rýbliniń ortasha saralanǵan quny — 5,01 teńge. Eýro — 530,09.

Kurs.kz málimetinshe, qazirgi ýaqytta Almatynyń aqsha aıyrbastaý pýnktterinde dollar 488,3 teńgeden satylyp jatyr, satyp alý baǵamy — 490,3 teńge. Eýro 530 — 534 teńge aralyǵynda qubylyp tur.

Al, Astana qalasy boıynsha dollardy satý baǵamy — 487 teńge, satyp alý quny — 492 teńge. Eýro 527 teńgeden satylyp, 533 teńgeden satyp alynady.

Dál qazirgi ýaqytta aqsha aıyrbastaý oryndarynda Reseı valıýtasy 4,97 - 5,07 aralyǵynda saýdalanyp jatyr.

Aıta keteıik, 1 qarasha keshki saýda qorytyndysy boıynsha, dollardyń ortasha baǵamy 0,04 teńgege qymbattap, 488,27 teńge bolǵan.

Osyǵan deıin Ulttyq bank tóraǵasy Tımýr Súleımenov dollar kýrsyna qatysty pikir bildirgen edi.

Sondaı-aq qarjy sarapshysy Rasýl Rysmambetov teńge qunynyń álsireý sebebin túsindirgen bolatyn.