Aqsha aıyrbastaý oryndarynda dollardyń quny 520 teńgege jetti

<p>ALMATY. KAZINFORM - Astana men Almaty qalalaryndaǵy aqsha aıyrbastaý pýnktterinde bir dollar orta eseppen 515-520 teńge aralyǵynda satylyp jatyr.</p>

Kurs.kz málimetinshe, qazirgi ýaqytta Almatynyń aqsha aıyrbastaý pýnktterinde dollar 518 teńgeden satylyp jatyr, satyp alý baǵamy — 520 teńge. Keıbir aqsha aıyrbastaý oryndarynda amerıkalyq valıýta 522 teńgeden saýdalanýda.

Al, Astana qalasy boıynsha dollardy satý baǵamy — 515 teńge, satyp alý quny — 519 teńge.

Ulttyq banktiń 28 qarashaǵa arnalǵan resmı baǵamy — 1 dollarǵa 499,51 teńge. Reseı rýbliniń ortasha saralanǵan quny — 4,62 teńge. Eýro — 525,83.

Osyǵan deıin QR Ulttyq banki tóraǵasynyń orynbasary Vıtalıı Týtýshkın dollar baǵamynyń 600 teńgege deıin ósýi múmkin be degen suraqqa jaýap berdi.