Aqsha aıyrbastaý oryndarynda dollar qansha teńgeden saýdalanyp jatyr

<p>ALMATY. KAZINFORM - Astana men Almaty qalalaryndaǵy aqsha aıyrbastaý pýnktterinde dollar 520 &ndash; 527 teńgeden saýdalanyp jatyr.</p>

Ulttyq banktiń usynǵan resmı baǵamy – 1 dollarǵa 522,49 teńge. Reseı rýbliniń ortasha saralanǵan quny – 5,06 teńge. Eýro – 547,88.

Kurs.kz málimetinshe, qazirgi ýaqytta Almatynyń aqsha aıyrbastaý pýnktterinde dollar 521,5 teńgeden satylyp jatyr, satyp alý baǵamy – 526,5 teńge. Eýro 547,5 – 554,5 teńge aralyǵynda qubylyp tur.

Al, Astana qalasy boıynsha dollardy satý baǵamy – 520 teńge, satyp alý quny – 527 teńge. Eýro 546 teńgeden satylyp, 553 teńgeden satyp alynady.

Dál qazirgi ýaqytta aqsha aıyrbastaý oryndarynda Reseı valıýtasy 4,99 - 5,09 aralyǵynda saýdalanyp jatyr.

Aıta keteıik, 13 jeltoqsan keshki saýda qorytyndysy boıynsha, dollardyń ortasha baǵamy 0,10 teńgege tómendep, 522,80 teńge bolǵan.

Ulttyq bank bazalyq mólsherlemeni 15,25%-ǵa deıin kóterdi. 

Sondaı-aq Ulttyq bank tóraǵasy Tımýr Súleımenov dollar baǵamynyń ózgerýi ımport taýarlary qunyna áser etýi múmkin ekenin aıtty.

Ulttyq ekonomıka mınıstri Nurlan Baıbazarovtyń aıtýynsha, teńge baǵamynyń álsireýine negizgi úsh faktor áser etip otyr. 

Osyǵan deıin QR Ulttyq banki tóraǵasynyń orynbasary Vıtalıı Týtýshkın dollar baǵamynyń 600 teńgege deıin ósýi múmkin be degen suraqqa jaýap berdi.