Aqsha aıyrbastaý oryndarynda dollar arzandap, teńge nyǵaıdy

<p>ALMATY. KAZINFORM - Astana men Almaty qalalaryndaǵy aqsha aıyrbastaý pýnkterinde dollar 444-448 teńgeden saýdalanyp jatyr.</p>

Kurs.kz derekteri boıynsha, Almatyda valıýta aıyrbastaý oryndarynda 1 dollar 445,1-447,5 teńgeden satylyp jatyr.

Al Astanada dollar baǵamy 444-448 teńge aralyǵynda qubylyp tur.

Ulttyq banktiń 24 qańtardaǵy resmı baǵamy – 1 dollarǵa 446,03 teńge.

Reseı rýbliniń ortasha saralanǵan baǵamy 5,07 teńge boldy.

Almatydaǵy aqsha aıyrbastaý oryndarynda Reseı rýbli 4,93-5,07 teńge aralyǵynda saýdalanyp jatyr.

Astanada kórshi el valıýtasy 4,92-5,07 teńgeden satylýda.

Aıta keteıik, 23 qańtar kúndizgi saýda qorytyndysy boıynsha, dollardyń ortasha baǵamy 2,84 teńgege tómendep, 445,62 teńge bolǵan.