Aqsha aıyrbastaý oryndarynda dollar 498 - 499 teńgeden saýdalanyp jatyr

<p>ALMATY. KAZINFORM - Astana men Almaty qalalaryndaǵy aqsha aıyrbastaý pýnktterinde dollar 498 &ndash; 503 teńge aralyǵynda saýdalanyp jatyr.</p>

Ulttyq banktiń 26 qarashaǵa arnalǵan resmı baǵamy — 1 dollarǵa 498,51 teńge. Reseı rýbliniń ortasha saralanǵan quny — 4,81 teńge. Eýro — 522,24.

Kurs.kz málimetinshe, qazirgi ýaqytta Almatynyń aqsha aıyrbastaý pýnktterinde dollar 501,1 teńgeden satylyp jatyr, satyp alý baǵamy — 503,3 teńge. Eýro 522,5 — 526,5 teńge aralyǵynda qubylyp tur.

Al, Astana qalasy boıynsha dollardy satý baǵamy — 498 teńge, satyp alý quny — 503 teńge. Eýro 521 teńgeden satylyp, 527 teńgeden satyp alynady.

Dál qazirgi ýaqytta aqsha aıyrbastaý oryndarynda Reseı valıýtasy 4,82 - 4,92 aralyǵynda saýdalanyp jatyr.

Aıta keteıik, 25 qarasha keshki saýda qorytyndysy boıynsha, dollardyń ortasha baǵamy 0,09 teńgege qymbattap, 498,68 teńge bolǵan.

Osyǵan deıin QR Ulttyq banki tóraǵasynyń orynbasary Vıtalıı Týtýshkın dollar baǵamynyń 600 teńgege deıin ósýi múmkin be degen suraqqa jaýap berdi.

Ulttyq bank málimetinshe, valıýta naryǵyndaǵy teńgerimdilikti arttyrý maqsatynda kvazımemlekettik sektor sýbektileriniń valıýtalyq túsimderiniń 50%-yn mindetti túrde satý talaby qaıta engiziledi.

Saýda jáne ıntegratsııa mınıstri Arman Shaqqalıev dollar baǵamyna qatysty pikir bildirdi.

Qarjyger Rasýl Rysmambetov teńge baǵamynda alypsatarlyq jasaıtyndardy anyqtaý mańyzdy ekenin aıtty.

Sondaı-aq ol teńgeniń álsireýi AQSh-taǵy saılaýdyń nátıjesi emes, eń aldymen ishki ekonomıkalyq faktorlarǵa baılanysty dep esepteıdi.