Aqsha, átir, opa-dalap: Qyzdar 8 naýryzda qandaı syılyq alǵysy keledi

<p>ASTANA. KAZINFORM &mdash; Bıyl qańtar aıynyń qorytyndysy boıynsha Qazaqstanda gúl baǵasy bir jylda 8,2%-ǵa ósken.&nbsp;</p>

Energyprom zertteýine sensek, ásirese Qaraǵandy oblysynda baǵanyń sharyqtaǵany (41,5%) baıqalady. Antılıder  qatarynda Almaty oblysy (18,1%) jáne Astana qalasy (14,5%) bar.

Baǵanyń eń tómen jyldyq ósimi Almatyda tirkeldi (1,3%).

Aqmola, Jambyl jáne Jetisý oblystarynda baǵalar ótken jyldyń qańtar aıy deńgeıinde qaldy. Taǵy eki óńirde baǵalar tómendegen.

Atap aıtsaq, Pavlodar oblysynda 0,9%-ǵa, Ulytaý oblysynda 6,1%-ǵa arzandaǵan.

Elimizdiń aýyl sharýashylyǵy naryǵynda qańtar aıynda raýshan gúli orta eseppen 946 teńgeden satylǵan (1 danasy).

Abaı oblysynyń turǵyndaryna qymbatqa túskenin (1,4 myń teńge) atap ótken jón.

Qostanaı (1,3 myń teńge) jáne Shyǵys Qazaqstan (1,2 myń teńge) oblystarynda sál-pál arzan baǵamen saýdalanǵan.

Al shymkenttikter bir raýshan gúlge nebary 600 teńge jumsaǵan.

Aıtpaqshy, 2022 jyly picodi.com júrgizgen saýalnamaǵa sáıkes, qazaqstandyq áıelderdiń 39% ǵana merekege gúl alǵysy keledi eken.

Áıelderdiń 87% — jumysta, 89% — jaqyn adamdarynan gúl alady.

Aıta keteıik, saýalnamaǵa sáıkes, gúl tańdaýly syılyqtar arasynda besinshi orynda.

Áıelder qaýymy syılyqqa kóbine aqsha (69%), parfıýmerııa (63%) jáne kosmetıka (54%) alǵysy keledi.

Sondaı-aq, merekege oraı alkogol (50%), ish kıim (44%) jáne ashyq hat (38%) qalaıtyndar da bar.