AQSh júk tasymalynda Qazaqstan porttarynyń kómegine júginedi

ASTANA. QazAqparat - Qazaqstan arqyly qajetti júkterdi Aýǵanstanǵa tasymaldaý jelisi elimizdiń múddelerine tolyqtaı sáıkes keledi. Bul týraly QR Parlamenti Májilisiniń jalpy otyrysynda QR Syrtqy ister mınıstri Qaırat Ábdirahmanov málim etti, dep habarlaıdy QazAqparat.

Otyrys barysynda palata depýtattary «Qazaqstan Respýblıkasynyń Úkimeti men AQSh Úkimeti arasyndaǵy Aýǵanstannyń turaqtylyǵy jáne qaıta qalpyna keltirý jónindegi is-qımylǵa AQSh-tyń qatysýyna baılanysty Qazaqstannyń aýmaǵy arqyly arnaıy júktiń kommertsııalyq temirjol tranzıtin qamtamasyz etý týraly kelisimge ózgeris engizý týraly hattamany ratıfıkatsııalaý týraly» zań jobasyn maquldady.

Qaırat Ábdirahmanovtyń atap ótýinshe, AQSh Prezıdenti Donald Tramp Aýǵanstanǵa turaqty logıstıkalyq járdem berý jáne jol ashý, sondaı-aq gýmanıtarlyq kómekti kúsheıtýge úles qosý arqyly AQSh-tyń Ońtústik Azııa jónindegi Strategııasyn qoldaýǵa Qazaqstannyń berik ustanymy úshin Prezıdent Nursultan Nazarbaevqa rızashylyǵyn bildirdi.