AQSh jáne Qazaqstan tergeýshileriniń A.Sársenbaıulynyń ólimine qatysty oılary bir jerden shyǵyp otyr - AQSh ókili D.Ordveı

ASTANA. 20 jeltoqsan. QazAqparat - AQSh jáne Qazaqstan tergeýshileriniń Altynbek Sársenbaıulynyń, Vasılıı Jýravlevtiń jáne Baýyrjan Baıbosynnyń ólimine qatysty oılary bir jerden shyǵyp otyr. Bul týraly búgin QR Bas prokýratýrasynda ótken brıfıngte AQSh-tyń Qazaqstandaǵy ýaqytsha senimdi ókili Djon Ordveı aıtty.

«2006 jylǵy 11 aqpanda Almaty qalasynda Altynbek Sársenbaıulynyń, Vasılıı Jýravlevtiń jáne Baýyrjan Baıbosynnyń qatygezdikpen óltirilýine qatysty uzaq jáne kópjaqty tergeýdiń aıaqtalýyn belgileý úshin osy kezdesýge qatysyp otyrmyn. Men sonymen qatar AQSh pen Qazaqstan quqyq qorǵaýshylary ózara tyǵyz baılanysta bolǵandyǵyn atap ótkim keledi. Tergeý barysynda AQSh-tyń Federaldy Tergeý Bıýrosy iske qatysty barlyq qujattarǵa erkin qol jetkizip otyrdy. Bul istiń esh kedergisiz táýelsiz baqylaýdy júrgizýge ǵana emes, kýágerlerdi qazaqstandyq organdardyń qatysýynsyz arnaıy polıgraftarda tekserý múmkindigin berdi. FTB jasaǵan is-qımyldardyń qorytyndylary QR Bas prokýratýrasynyń kelgen sheshimderimen sáıkes keldi», - dedi ol.