AQSh jaǵalaý kúzeti Florıda mańynda sýǵa batqan qaıyqtaǵy 39 adamdy izdep jatyr
09:05, 26 Qańtar 2022
NЬıÝ-IORK. QazAqparat - AQSh jaǵalaý kúzeti Florıda jaǵalaýynan 70 shaqyrymdaı jerde aýdarylǵan qaıyqtaǵy 39 adamdy izdep jatyr. Bul týraly seısenbi kúni Twitter-de jarııalanǵan jaǵalaý kúzeti málimdemesinde aıtylǵan, dep habarlaıdy QazAqparat.
Taralǵan aqparatqa sáıkes, belgisiz bireý seısenbi kúni tańerteń quzyrly organdarǵa qaıyq batyp bara jatqanda aman qalǵan bir adamdy qutqarǵany týraly habarlaǵan. Qutqarylǵan adamnyń aıtýynsha, qaıyqta taǵy 39 adam qalǵan, bular ótken senbide Bagam araldarynan shyqqan. Biraz ýaqyttan keıin olardyń qaıyǵy Florıda jaǵalaýynan 70 shaqyrymdaı jerde daýyl saldarynan aýdarylyp qalǵan.
«Іzdeý sharasyna kóptegen qaıyqtar men ushaqtar tartyldy. Boljam boıynsha, qaıyq adamdardy zańsyz tasymaldaý úshin paıdalanylǵan», delingen habarlamada.