AQSh Iemendegi hýsıtterdiń nysandaryna taǵy bir ret soqqy berdi

<p>Sársenbi kúni AQSh ıemendik hýsıtterdiń nysanalaryna shabýyldy jalǵastyrdy, bul Iranmen odaqtas hýsıt sodyrlarynyń Qyzyl teńiz ben Aden shyǵanaǵyndaǵy kemelerge jasaǵan shabýyldaryna jaýap boldy, dep jazady &laquo;Amerıka daýysy&raquo; radıosy.</p>

Hýsıtterdiń shabýyldary Azııa men Eýropa arasyndaǵy saýdany báseńdetip, iri derjavalar arasynda úreı týdyrdy.

Iemenniń kóp bóligin baqylaıtyn hýsıtterdiń málimdeýinshe, olar Gaza sektoryndaǵy palestınalyqtarmen yntymaqtasa áreket etip, ótken aptada AQSh pen Ulybrıtanııanyń shabýyldaryna jaýap retinde nysanalar tizimin keńeıtip, oǵan amerıkalyq kemelerdi qosamyz dep qorqytty.

Osyǵan deıin AQSh áskerıleri Iemendegi hýsıt kóterisshileriniń baqylaýyndaǵy aýdannan jiberilip, Aden shyǵanaǵyndaǵy AQSh-qa tıesili kemeni atqylaǵan ushqyshsyz ushatyn apparat týraly aıtty.

Shabýyl saldarynan zardap shekkender joq. Tek azdaǵan zaqym kelgeni týraly habarlandy.

AQSh Ortalyq qolbasshylyǵynyń málimetinshe, zaqym kelgen keme «AQSh-qa tıesili jáne basqarylatyn Marshall araldarynyń jalaýymen júzip júrgen júk tasymaldaýshy» Genco Picardy boldy.

Qurama Shtattar sársenbide hýsıtterdi lańkestik toptar tizimine qaıtardy, buǵan sodyrlardyń osy aptada Qyzyl teńiz aımaǵyndaǵy amerıkalyq kemege taǵy bir shabýyl jasady dep málimdeýi de sebep bolǵan.

Eske sala ketsek, AQSh pen Ulybrıtanııanyń áýe jáne áskerı kemeleri jumaǵa qaraǵan túni Iemendegi kóterilisshi hýsıtter tobyna soqqy jasaı bastady.

Hýsıtterdiń kim ekeni jáne Izraılge bet alǵan kemelerge nelikten shabýyl jasaıtyny týraly biz buryn jazǵanbyz.

Japondyq iri keme kompanııalary aımaqtaǵy jaǵdaıdyń nasharlaýyna baılanysty Qyzyl teńiz arqyly tasymaldaýdy tolyǵymen toqtatyp otyr.