AQSh Iemen astanasyna áýeden soqqy jasady

<p>ASTANA. KAZINFORM &mdash; AQSh Iemen astanasy Sanada &laquo;Ansar Allah&raquo; kóterilisshiler qozǵalysynyń áskerı nysandaryna soqqy jasady. Bul týraly Kazinform TASS agenttigine silteme jasap habarlaıdy.</p>

— AQSh Áýe kúshteriniń ortalyq qolbasshylyǵy Sana aımaǵynda Iran qoldaý kórsetetin hýsıtterdiń baqylaýynda bolǵan basqarý-dıspetcherlik pýnktteri men zymyrandar qoımasyna áýeden dál soqqylar jasady, — dep habarlady áskerı vedomstvo H áleýmettik jelisinde.

Málimdemede soqqy jasalǵan ǵımarattar hýsıtterdiń AQSh-tyń áskerı teńiz kúshterine jáne Qyzyl teńizdegi saýda kemelerine shabýylyn úılestiretin basty ortalyǵy bolǵany naqtylanady. 

Sondaı-aq, ortalyq qolbasshylyq Qyzyl teńiz ústinde birneshe ushqyshsyz ushatyn apparatty jáne kemelerge qarsy qoldanylatyn qanatty zymyrandy qaǵyp túsirgen. 

Gaza sektoryndaǵy jaǵdaı ýshyqqan sátte «Ansar Allah» qozǵalysy Palestına anklavyndaǵy ahýal turaqtanǵanǵa deıin Izraıl terrıtorııasyn atqylaıtynyn, bul elge qatysty kez kelgen kemeniń Qyzyl teńizben jáne Bab-el-Mandeb túbegi mańymen júrýine jol bermeıtinin málimdegen bolatyn. 

2023 jyldan beri hýsıtter Qyzyl teńizde jáne Aden shyǵanaǵynda ondaǵan azamattyq kemege shabýyl jasady. 

Olardyń bul áreketine jaýap retinde AQSh bıligi Qyzyl teńizdegi qozǵalystyń qaýipsizdigin qamtamasyz etý jáne kemeler qatynasyn jolǵa qoıý maqsatynda halyqaralyq koalıtsııa quryp, Prosperity Guardian (Gúldenýdi qorǵaý) operatsııasyn bastap ketti. 

Osylaısha AQSh pen Ulybrıtanııa qarýly kúshteri Iemendegi búlikshilerdiń áskerı nysandaryna dúrkin-dúrkin soqqy jasap jatyr. 

Buǵan deıin habarlaǵanymyzdaı, Djo Baıden Kongres qabyldaǵan ýaqytsha bıýdjet týraly zań jobasyna qol qoıdy.

Aqparatty Kazinform-ǵa arnaıy TASS áriptes agenttigi usyndy.