AQSh vızasyn berýdi jeńildetýge múddelimiz – Elshi

<p>Ortalyq Azııada Qazaqstan azamattaryna ǵana AQSh-tyń 10 jyldyq mıgratsııalyq emes vızasy beriledi. Bul týraly Qazaqstandaǵy AQSh elshisi Denıel Rozenblıým jýrnalıstermen ótken dóńgelek ústelde aıtty, dep habarlaıdy QazAqparat tilshisi.</p>

Tilshilerge bergen jaýabynda AQSh elshisi vıza jóninde suraqtar jıi qoıylatynyn, AQSh azamattarynyń da Qazaqstanǵa jıi kelýin qalaıtynyn, sondyqtan rásimderdi jeńildetýge múddeli ekenin aıtty.

«Qazaqstan – AQSh-tyń 10 jylǵa deıingi ımmıgratsııalyq emes vızasy beriletin Ortalyq Azııadaǵy jalǵyz el. Bul bizdiń qarym-qatynastyń qandaı joǵary ekenin kórsetedi. Degenmen, AQSh-tyń oryndalýy mindetti erejeleri men zańdary bar. Jáne eń bastysy – vızany basqa maqsatta qoldanǵysy keletin adamdarǵa múmkindik bermeý. Sol úshin de vıza bererde suhbattasý, qujat tekserý sekildi tájirıbeler bar», - deıdi D. Rozenblıým.

Sonymen birge, elshi bul protsesterdi jeńildetýge tyrysqanyn, dálirek aıtqanda barynsha tıimdi ári ótinish berýshiler uzaq kútpeıtindeı uıymdastyrǵanyn atap ótti.

«Pandemııa kezinde qordalanyp qalǵan ótinimderdi irikteýdi tabysty júrgizdik dep oılaımyn, qazir kútý ýaqyty aıtarlyqtaı qysqarǵan. Meniń túsinýimshe, qazir AQSh-qa barǵan, AQSh-qa vıza alǵan adamdar úshin vızaǵa qaıta ótinim bergende suhbattan bas tartýdy suraý múmkindigi bar. Osyndaı da nusqa bar, biraq bul standartty tájirıbe emes», - deıdi AQSh elshisi.

Buǵan deıin Denıel Rozenblıým AQSh prezıdenti Djo Baıdenniń Ortalyq Azııaǵa sapary jóninde suraqtarǵa jaýap berdi.

Sondaı-aq, AQSh elshisi shet elden aqsha alatyn qazaqstandyqtardyń tizimine qatysty pikir bildirdi.