AQSh vıtse-prezıdenti laýazymyna úmitkerlerdiń pikirtalastary qalaı ótti?

<p>ASTANA. KAZINFORM &ndash; AQSh vıtse-prezıdenttigine úmitkerler &ndash; 40 jastaǵy Vens pen 60 jastaǵy Ýolts arasyndaǵy pikirtalas Nıý-Iorktegi CBS New stýdııasynda keshki ýaqytta tikeleı efırde ótti. Bul pikirtalas eldegi aǵymdaǵy saılaý tsıklindegi sońǵysy bolýy múmkin, dep habarlaıdy <a href="https://tass.ru/mezhdunarodnaya-panorama/22017823" target="_blank" rel="noopener">TASS </a>aqparat agenttigi.&nbsp;</p>

Respýblıkalyq partııadan úmitker Donald Tramptyń saılaýaldy shtaby seısenbi kúngi pikirtalasta respýblıkashyl Djeıms Devıd Vens jeńiske jetti dep sanaıdy.

«Senator Vens búgingi debatta aıqyn jeńiske jetti. Bul vıtse-prezıdenttik pikirsaıys tarıhyndaǵy eń jaqsy sóz sóıleý boldy. Senator Vens shyndyqty aıtty, AQSh vıtse-prezıdenti, Demokratııalyq partııadan joǵary memlekettik qyzmetke kandıdat Kamala Harrıstiń sátsizdigi týraly dáleldedi jáne Tım Ýoltsty Harrıs ákimshiligi men prezıdent Djo Baıdenniń atynan jalǵan málimdemeleri úshin jaýap berýge shaqyrdy», - delingen málimdemede. 

Sondaı-aq málimdemede Vens Tramptyń AQSh tarıhyndaǵy eń úlken zańsyz ımmıgranttardy deportatsııalaýdy uıymdastyrý, salyqtardy azaıtý jáne ınflıatsııany toqtatý nıetin jetkizýde tamasha jumys jasaǵanyn atap ótedi. 

«Búgin túnde senator Vens Tramptyń nelikten ony óziniń seriktesi retinde tańdaǵanyn dáleldedi», - dep túıindedi Tramp shtaby.

Óz kezeginde AQSh-tyń Demokratııalyq partııasynan vıtse-prezıdenttikke úmitker Tım Ýolts demokrattar men respýblıkashylardy saılaý qorytyndylaryna daýlasýdy toqtatýǵa shaqyrdy. Onyń aıtýynsha, saılaý bitkende barlyǵy qol alysýy kerek. 

Eske salaıyq, AQSh-tyń burynǵy prezıdenti jáne prezıdenttikke úmitker Donald Tramp jeksenbi kúni qarashadaǵy saılaýda jeńilip qalsa, dodaǵa qaıta túspeıtinin málimdegen. 

AQSh-ta 5 qarashada ótetin saılaýda prezıdenttikke úmitkerlerdiń kez kelgeni jeńiske jetýi múmkin. Buǵan saýalnama nátıjesi dálel. 

Harrıs qarsylasyn basqa teledebatqa shaqyrdy, biraq Tramp pikirsaıystyń ekinshi raýndynan bas tartty. Kóptegen saıası sarapshylar Tramp jeńdi dep sanaǵanymen Harrıstiń senimdi ári jaqsyraq sóılegenin atap ótti. 

Saılaý 5 qarashaǵa belgilengen. Eldiń birneshe shtatynda merziminen buryn daýys berý bastaldy.