AQSh vıtse-prezıdenti Kamala Harrıs Djo Baıdendi almastyrýǵa daıyn

<p>ASTANA. KAZINFORM&nbsp;&mdash; Amerıka Qurama Shtattarynyń vıtse-prezıdenti Kamala Harrıs dúısenbi, 12 aqpanda amerıkalyq <a href="https://www.wsj.com/politics/elections/kamala-harris-says-she-is-ready-to-serve-as-biden-faces-age-scrutiny-8f39c442" target="_blank" rel="noopener">The Wall Street Journal</a> gazetine bergen suhbatynda qajettilik týyndasa AQSh prezıdenti qyzmetin atqarýǵa daıyn ekenin málimdedi, dep habarlaıdy <a href="https://www.dw.com/ru/viceprezident-ssa-kamala-harris-gotova-zamenit-dzo-bajdena/a-68239915" target="_blank" rel="noopener">DW.</a></p>

 «Men qyzmet etýge daıynmyn. Buǵan esh kúmán joq», — dedi ol saılaýshylardyń AQSh-tyń qazirgi prezıdenti Djo Baıdenniń jasyna qatysty alańdaýshylyǵyna oraı túsinik berip.

Harrıstiń aıtýynsha, ony jumysta kórgen kez kelgen adam kóshbasshylyq qabiletin túsinedi. 

Gazettiń AQSh-tyń Demokratııalyq partııasyndaǵy derekkózine silteme jasap jazýynsha, demokrattar aldaǵy prezıdent saılaýynda Baıdendi basqa kandıdatpen almastyrý jóninde sóz qozǵap jatqan joq. 

Budan basqa, WSJ atap ótkendeı, praımerızge qatysý úshin qujat tapsyrý merzimi ótip ketken. 

Eger 81 jastaǵy Djo Baıden qandaı da bir sebeptermen bıylǵy saılaýdan bas tartýǵa sheshim qabyldasa, vıtse-prezıdent Kamala Harrıs tamyz aıynda ótetin Demokratııalyq partııanyń ulttyq konventsııasynda onyń ornyna kelý úshin demokratııalyq delegattardyń kópshiliginiń qoldaýyna ıe bolýy kerek.

Eger prezıdent quryltaıdan keıin óz kandıdatýrasyn alyp tastasa, onyń saılaýdaǵy muragerin Demokratııalyq ulttyq komıtet anyqtaıdy, dep habarlaıdy WSJ.