AQSh Ýkraınaǵa taǵy da 550 mln dollar kóleminde áskerı kómek beredi
14:53, 02 Tamyz 2022
NUR-SULTAN. QazAqparat – AQSh Qorǵanys mınıstrligi Ýkraınanyń qaýipsizdik jáne qorǵanys salasyndaǵy mańyzdy qajettilikterin qanaǵattandyrý úshin 550 mıllıon dollarǵa deıin kómek kórsetýge ruqsat bergenin jarııalady, dep habarlaıdy QazAqparat AQSh Qorǵanys mınıstrliginiń saıtyna silteme jasap.
Baıden ákimshiliginiń bul sheshimi 2021 jyldyń tamyzynan bastap Ýkraına úshin AQSh Qorǵanys mınıstrliginiń qarý-jaraq qoryn bólý boıynsha on jetinshi kómegi. Osy paketke Ýkraına tarapynyń ózin-ózi qorǵaýǵa arnalǵan oq-dáriler, atap aıtqanda155 mm artıllerııalyq 75 myń snarıad jáne joǵary mobıldi artıllerııalyq júıeler úshin qosymsha zymyrandar (HIMARS) kiredi.
Jalpy alǵanda Baıden ákimshiligi Ýkraınaǵa 8,8 mıllıard dollarǵa jýyq qaýipsizdik kómegin berdi. 2014 jyldan bastap Vashıngton Kıevke qaýipsizdik salasynda kómektesý úshin 10 mıllıard dollardan astam qarajat bóldi.
Foto: cursorinfo.co.il