AQSh-tyń tórt prezıdentiniń DNQ-sy ǵaryshqa jiberiledi
Jerleý rásimderimen aınalysatyn Amerıkanyń Celestis kompanııasy ashyq ǵaryshqa AQSh-tyń burynǵy prezıdentteri, naqtyraq aıtqanda Djordj Vashıngton, Dýaıt Eızenhaýer, Djon Kennedı men Ronald Reıgannyń genetıkalyq aqparattaryn Vulcan zymyranynyń kómegimen jiberýdi josparlap otyr.
DNQ «ýaqyt kapsýlasy» retinde paıdalanylyp, bolashaq órkenıetke qazirgi zamannyń bıologııasy men tarıhyn zertteýge múmkindik beredi dep kútilýde. DNQ-lar prezıdentterdiń shash úlgileri saqtalǵan Lýı Mýshronyń (2014 jyly qaıtys bolǵan) kollektsııasynan alyndy. Ol tanymal adamdardyń shashyn jınaıtyn ataqty kollektsııa jınaýshy bolatyn.
Aq úıdiń eks-basshylarynyń shashtarynan bólek, «kapsýlamen» Star Trek (Juldyzdy jol) serıalynda jumys istegen birneshe komanda múshesiniń DNQ-sy jiberiledi. Erekshe mıssııa týraly 20 aqpan, AQSh-taǵy Prezıdent kúni belgili boldy.
Celestis-tiń tarıhtaǵy alǵashqy korporatıvti ushyrylymynyń uzyndyǵy 150-den 300 mıllıon shaqyrymǵa deıin jetip, Jer-Aı júıesinen asyp, tereń ǵaryshqa enetini josparlanǵan.
Zymyrannyń ushatyn kúni áli jarııalanǵan joq.