AQSh-tyń saýda ortalyǵynda atys bolyp, 4 adam kóz jumdy

ASTANA. QazAqparat - Polıtsııanyń naqtylanbaǵan málimetteri boıynsha, AQSh-tyń Vashıngton shtatyna qarasty Berlıngton qalasyndaǵy saýda ortalyǵynda bolǵan atys kezinde 4 áıel mert bolǵan. Bir er azamatttyń densaýlyq jaǵdaıy múshkil jáne ol aýrýhanaǵa jetkizildi, dep habarlaıdy www.bbc.com.

Cascade Mall saýda ortalyǵynyń aınalasyn qazir polıtsııa qyzmetkerleri qorshaýǵa aldy. Qandy oqıǵany uıymdastyrǵan azamat izdestirilýde.

Polıtsııa ókilderi shabýyldaǵan azamattyń jalǵyz bolǵandyǵyn aıtyp otyr. AQSh bıligi kúdikti azamattyń sýretin jarııalady. Onyń túr-álpeti latynamerıkalyq turǵyndarǵa keledi. Ol sur tústi kıim kıgen jáne muzdaı qarýlanǵan.

Shabýyldyń sebep-saldary ázirge belgisiz.

Shabýyl jasady dep kúdik keltirilip otyrǵan azamat I-5 avtomagıstraline qaraı ketken, dep habarlaıdy Seattle Times kýágerlerdiń sózderine silteme jasap.

Vashıngton shtaty polıtsııasynyń ókili Mark Frensıs tvıtterdegi paraqshasynda shabýyldan aman qalǵandardyń kórshi shirkeýge kóshirilgendigin aıtýda.

Onyń sózinshe, shabýyldaýshy saýda ortalyǵynan polıtsııa qyzmetkerleri kelmeı turyp, ketip qalǵan. Berlıngton qalasy Sıetl qalasynyń soltústiginen 100 km qashyqtyqta ornalasqan.