AQSh-tyń Memhatshysy Qurban Aıt merekesimen quttyqtady

ASTANA. QazAqparat - Amerıka Qurama Shtattarynyń Memlekettik hatshysy Maık Pompeo musylmandardy Qurban aıt merekesimen quttyqtady, dep habarlaıdy Qazaqparat tilshisi.

«Búkil musylmandar qajylyqtyń aıaqtalýynda atap ótetin Qurban aıt merekesi qabyl bolsyn! Qurban aıt merekesi - álem musylmandary ózderiniń otbasylarymen jáne dostarymen birlese, beıbitshilik pen janashyrlyq rýhynda duǵa etetin ýaqyty. Osy kezeńde musylman qaýymdastyǵynyń músheleri nıet etip, qaıyrymdylyq jasaıdy, qıynshylyqtarǵa tap bolǵandarǵa jomarttylyq pen kómek jasaýdyń mańyzdylyǵyn kórsete biledi. Meıirimdiliktiń bul áreketteri bárimiz úshin úlgi bola alady. Memlekettik departament atynan merekeni toılaıtyn dúnıe júzindegi dostarymyzǵa, seriktesterimizge jáne odaqtastarymyzǵa taǵy da shyn júrekten ulyq mereke múbarak bolsyn!», - delingen Qazaqstandaǵy AQSh elshiliginiń resmı paraqshasynda.

Aıta keteıik, búgin - Oraza aıttan keıin 70 kúnnen soń bastalyp, 3 kúnge sozylatyn Qurban aıt merekesiniń alǵashqy kúni.

Qurban aıt - álemdegi musylman qaýymnyń eń qasıetti merekesi. Merekeniń úsh kúninde musylmandar qurban shalady.