AQSh-tyń eki shtatyndaǵy polıtseıler ákimshilik demalysqa jiberildi

NUR-SULTAN. QazAqparat – AQSh-tyń Vırdjınııa men Vashıngton shtattaryndaǵy polıtsııa departamentteri qyzmetkerlerin ákimshilik demalysqa jiberdi, dep habarlaıdy QazAqparat «Golos Amerıkı» basylymyna silteme jasap.

Florıda men Nıý-Iork órt sóndirý departamentteri de federaldy bılikke 6 qańtarda jurt Kapıtolııdi basyp kirgen kezde keı qyzmetkerleri sol jerde bolýy múmkin ekenin habarlady.

Vırdjınııanyń Rokı-Maýnt qalashyǵyndaǵy polıtsııa departamenti eki qyzmetkeri jumystan tys ýaqytta Vashıngtondaǵy sharaǵa qatysqany anyqtalyp, olardy demalysqa jibergenin habarlady.

«Rokı-Maýnt qalasy tolyǵymen sóz bostandyǵyn jáne zańdy túrdegi kez kelgen jıynǵa qyzmetkerleriniń qatysýyn qoldaıdy, biraq sol kúni bolǵan zańsyz is-áreketterge kelise almaıdy», - dep málimdedi departament.

Sıetl polıtsııa departamenti de eki qyzmetkeriniń bul iske qatysy bar-joǵyn anyqtap jatqandyqtan, olardy ákimshilik demalysqa jibergenin habarlady.

«Eger Kapııtolııge jasalǵan shabýylǵa departament ofıtserleri qatysqan bolsa, men olardy dereý jumystan shyǵaramyn», - dep málimdedi departamenttiń ýaqytsha basshysy Adrıan Dıas.

Nıý-Iorktiń órt sóndirý departamenti burynǵy nemese qazirgi qyzmetkerleriniń tártipsizdikke qatysqany týraly «qupııa málimdeme» alǵannan keıin aqparatty FBR-ge jibergenin málimdedi.

Florıdadaǵy Senfordtyń órt sóndirý departamenti shabýyl jasaǵan adamdardyń sýretiniń ishinde qyzmetkeriniń de beınesin baıqaǵandyqtan bir órt sóndirýshini ákimshilik demalysqa jibergen.

Senbi kúni jetekshi zań shyǵarýshy-demokrattardyń biri Kapıtolııdi qylmys orny dep atap, baılanys operatorlary men áleýmettik jelilerdi tártipsizdikke qatysty barlyq málimetti saqtaýǵa shaqyrdy.

Eske salsaq, 6 qańtarda AQSh kongresi saılaýshylardyń daýsyn eseptep, 2020 jylǵy prezıdent saılaýynyń qorytyndysyn shyǵarý úshin jınalǵan bolatyn. Osy kúni Donald Tramp jaqtastarynyń jappaı narazylyq aktsııasynan keıin oǵan qatysýshylardyń bir toby kongress ǵımaratyna basyp kirdi.

Donald Tramp osynyń aldynda Vashıngtonnyń ortasynda myńdaǵan adam jınalǵan mıtıngte sóz sóılep, óziniń jeńilgenin moıyndamaıtynyn aıtqan. Sóıtip ózine senetin qaýymdy Kapıtolıı ǵımaratyna baryp, narazylyq bildirýge shaqyrdy.

Bılik Vashıngtonda komendanttyq saǵat engizdi.