AQSh-tyń burynǵy memlekettik hatshysy Kolın Paýell koronavırýstan kóz jumdy
18:52, 18 Qazan 2021
VAShINGTON. QazAqparat - AQSh-tyń burynǵy memlekettik hatshysy Kolın Paýell COVID-19 saldarynan qaıtys boldy. Bul týraly saıasatkerdiń otbasy málim etti. Ol 84 jasta bolǵan, dep habarlaıdy QazAqparat Euronews-ke silteme jasap.
Kolın Paýell — AQSh-taǵy tanymal memleket qaıratkerleriniń biri.
Ol prezıdent Ronald Reıgannyń kómekshisi bolǵan, keıin 1990 jyldardyń basynda AQSh QK shtab bastyǵy komıtetiniń tóraǵasy qyzmetin atqarǵan.
2001-2005 jyldary Paýell kishi Djordj Býsh prezıdenti janyndaǵy memlekettik departamentti basqarǵan.
Ol 2003 jyldyń aqpanynda BUU Qaýipsizdik keńesiniń otyrysynda «hımııalyq jáne bakterıologııalyq qarý qoldandy» dep málimdep Irakqa ásker engizýdi usyndy.