AQSh-tyń burynǵy elshisi Djordj Krol dıplomatııalyq qyzmetten ketti
Bul týraly Ózbekstandaǵy AQSh elshisi Pamela Spratlen málim etti.
«Dáýir aıaqtaldy, elshi Djordj Krol 36 jylǵy jumysynan keıin dıplomatııalyq qyzmetpen hosh aıtysty. Ol Reseıdegi AQSh-tyń dıplomatııalyq mıssııasynda istedi, sondaı-aq Belarýs, Ózbekstan jáne Qazaqstanda elshi boldy. Aıryqsha qyzmeti úshin ony quttyqtaımyn jáne oǵan otanymyzdaǵy jańa ómirinde eń jaqsyny tileımin!», - dep jazdy Pamela Spratlen Týıtterdegi paraqshasynda. Jazbada eki dıplomattyń qatar túsken sýreti de jarııalandy.
Eske sala ketsek, Qazaqstandaǵy qyzmetin aıaqtaǵan AQSh elshisi Djordj Krol áleýmettik jelide qazaqstandyqtardy qımaıtynyn aıtyp beıneúndeý jarııalaǵan edi. Elshi Astana kúnine oraı qazaqsha óleń oqyp, bir joly tipti qazaqtyń ulttyq bıi - qara jorǵany bılep berdi. Dıplomat Astanadaǵy AQSh elshiliginiń ishine kıiz úı tigip, sonda mártebeli qonaqtardy qarsy alyp, qazaq xalqynyń ulttyq taǵamdaryn usynýdy ádetke aınaldyrǵan bolatyn.