AQSh-tyń Bas konsýly Aral teńiziniń tolyp kele jatqanyna qýandy
«Amerıka Qurama Shtattary Soltústik Araldy qalpyna keltirý maqsatynda ótkizilgen jumystarǵa qoldaý kórsetkenin maqtan tutady. Men Aral aýdany halqynyń eńbekqorlyǵy men qulshynyp jumys istegenine qatty súısinemin. Osy kisilerdiń qajyrly eńbeginiń arqasynda bizdiń birlesip istegen jumysymyz jaǵymdy nátıjelerin berip otyr», - dedi AQSh Bas konsýly Mark Mýdı Kókaral bógetine jumys sapary barysynda.
Jergilikti balyq ónerkásibiniń ókilderi, qorshaǵan ortany qorǵaý salasyndaǵy táýelsiz sarapshylar jáne Aral aýdanynyń bılik organdary Soltústik Aral teńiziniń kólemi 2005 jyly Kókaral bógetin salǵannan keıin birshama ulǵaıǵandyǵyn atap ótti. Dúnıejúzilik banktiń Halyqaralyq Damý jáne Qaıta Qurý bankiniń eń iri ınvestorlarynyń biri AQSh, ol Kókaral bóget jobasyn salýǵa $64,5 mln qarjy jumsady.
Kórshiles Qaratereń aýylynyń ákimi Bas konsýl Mýdı myrzamen Kókaral bógetine baryp, sý deńgeıiniń qalpyna kelýi jergilikti qorshaǵan orta jáne halyqtyń densaýlyǵyna oń áser etkenin, ana men bala óliminiń azaıǵany jáne jańa jumys oryndarynyń paıda bolǵany jaıly aıtyp berdi.
«Aral teńizi qalaǵa 15 shaqyrym jerge deıin jaqyndaǵanyna rıza boldym. Oǵan qosa, balyq óndirisiniń ulǵaıǵany myńdaǵan jańa jumys oryndaryn ashýǵa múmkindik týǵyzyp, jergilikti halyq sanynyń 78 000 jetýine sebeptes bolǵany úmittendiredi», - dedi Bas konsýl Mýdı óńirdegi segiz balyq óńdeý zaýytynyń ekeýin aralaǵan kezinde. Balyq aýlaý ónerkásibi basshylary Aral teńizindegi balyq túrleriniń sany 2 túrden 22-ge deıin óskenin aıtty. Olardyń ónimderi Eýropalyq standarttarǵa sáıkes kelgesin, balyqtaryn Eýropalyq Odaqqa jáne basqa da memleketterge eksporttap jatqany týraly da bólisti.
Eki amerıkalyq aǵylshyn tili muǵalimderi Bas konsýl Mýdımen birge baryp, Aral aýdanynyń ustazdary men oqýshylaryna praktıkalyq semınarlar ótkizdi. Aǵylshyn tilin oqytý baǵdarlamasy tildi shyńdaý maqsatynda AQSh-tyń qoldaý kórsetýi Qyzylorda oblysynda jáne búkil Qazaqstan boıynsha bilim berý salasyndaǵy 25-jyldyq yntymaqtastyǵymyzdyń bir mysaly bolyp tabylady.
AQSh Bas konsýly Mark Mýdı Aral aýdanynyń ákimdigine jáne turǵyndaryna qonaqjaılylyǵy men sapar barysyndaǵy logıstıkalyq qoldaý kórsetkeni úshin alǵysyn bildiredi.