AQSh-tyń Aıdaho shtatynda 6,5 magnıtýdalyq jer silkinisi boldy

BOISE.QazAqparat – AQSh Geologııalyq qyzmetiniń málimetinshe, seısenbi kúni keshke Aıdaho shtatyndaǵy Boıse qalasynyń soltústik-shyǵys bóliginde 6,5 magnıtýdalyq jer silkinisi boldy.

Zilzalanyń oshaǵy Bıver-Krık mańyndaǵy Challıs qalasynan batysqa qaraı 45 shaqyrym jerde bolǵan, dep habarlaıdy QazAqparat CNN -ge silteme jasap.

Ulttyq meteorologııalyq qyzmetine sáıkes, budan keıin kóp uzamaı sol aýdanda 4,6 magnıtýdalyq taǵy bir jer silkinisi tirkelgen.

Aıdaho shtatynyń Tótenshe jaǵdaılar jónindegi basqarmanyń málimetinshe, Aıdaho tarıhynda eń iri jáne joıqyn jer silkinisi 1983 jyly bolǵan. Qýaty 6,9 ball zilzala Challıste tirkeldi. Keltirilgen shyǵyn 12,5 mln. dollarǵa baǵalanǵan.