AQSh-tyń Arızona ýnıversıteti Shymkentte óz ókildigin ashpaq

NUR-SULTAN. QazAqparat - Shymkenttegi M.Áýezov atyndaǵy Ońtústik Qazaqstan ýnıversıtetine álemniń eń bedeldi oqý oryndarynyń biri AQSh-tyń Arızona memlekettik ýnıversıtetinen arnaıy ókilder keldi, dep habarlaıdy Habar24.

Taraptar qos dıplommen bilim alý baǵdarlamasy, akademııalyq mobıldilik, professor oqytýshylar quramynyń atalǵan ýnıversıtette is-tájirıbeden ótýi syndy birneshe ortaq jobany talqyǵa saldy.

«Aldaǵy ýaqytta Shymkentte ýnıversıtettiń ókildigin ashý oıymyzda bar»- deıdi Arızona memlekettik ýnıversıtetiniń keńesshisi Nıý Lı Holman.

Meımandarǵa joǵary oqý ornynyń oqý bazasy tanystyryldy.

Ýnıversıtet ishindegi «Muhtartaný» ortalyǵy men tarıhtan syr shertetin murajaıǵa bas suqqan qonaqtar ondaǵy jádigerlerge tańdanysyn jasyrmady.

«Qazirgi tańda ýnıversıtet kásipkerlikke baýlý daǵdysyna kóship jatyr. Osyǵan baılanysty biz ýnıversıtette magıstrant, doktaranttardy taza tilge oqytýǵa jáne kásipkerlikke baýlý úshin uzaq ýaqyttan beri osy Arızona ýnıversıtetimen eki jaqty baılanysta bolǵanbyz. Biz búgin sonyń nátıjesin kórip otyrmyz. Bul ýnıversıtet bizge qos dıplomdy, baǵdarlama boıynsha kásipkerlikti shynaıy damytý maqsatynda ýnıversıtette kampýstar jataqhana salý máselesinde kóterip otyr»,-dedi M.Áýezov atyndaǵy Ońtústik Qazaqstan ýnıversıtetiniń rektory Darııa Qojamjarova.

«Biz seriktes bolǵaly otyrǵan ýnıversıtetke áýeli qos dıplomdy berý jobasyn usynyp otyrmyz. Ǵylymdy birlesip damytý boıynsha da baǵdarlamamyz bar. Ortaq kelisimge kelsek, kampýs, jataqhana salamyz degen josparymyzdy da aıttyq» - dedi Arızona memlekettik ýnıversıtetiniń keńesshisi Nıý Lı Holmon.