AQSh-tyń Almatydaǵy Bas konsýly Mıshel Erkin turǵyndardy qala kúnimen quttyqtady

AQSh-tyń Almatydaǵy bas konsýly Mıshel Erkin megapolıs turǵyndary men qonaqtaryn qala kúnimen erekshe quttyqtady, dep habarlaıdy QazAqparat tilshisi.

Almatydaǵy AQSh Bas konsýldyǵynyń Instagram paraqshasynda Mıshel Erkinniń vıdeosy paıda boldy. Ol araǵa 20 jyl salyp, Ortalyq mádenıet jáne demalys saıabaǵynyń kireberisindegi tarıhı gúlzardyń fonynda sýretke túsken.

«Almaty kúni qutty bolsyn! Bul - meniń Almatyda 20 jyl buryn túsken sýretim. Qaı jerde túskenimdi kim tabady? Happy Almaty Day! This is me in Almaty 20 years ago. Can you guess where this picture was taken?», - delingen jazbada.

Buǵan deıin Mıshel Erkin qazaq tilinde qazaqstandyqtarmen tanysý vıdeosyn jarııalaǵan bolatyn. Amerıka Qurama Shtattarynyń Almatydaǵy Bas konsýly Mıshel Erkin óz jumysyn osy jyldyń tamyz aıynda bastady. Bas konsýl Erkinniń konsýldyq aımaǵyna Almaty jáne Shymkent qalalary, sondaı-aq Almaty, Qyzylorda, Túrkistan, Jambyl jáne Jetisý oblystary kiredi.