AQSh-tyń Kalıfornııa shtatyndaǵy orman órtteri on jyl ishinde 52 myń mezgilsiz ólimge sebep boldy — zertteý

<p>ASTANA. KAZINFORM &ndash;&nbsp; Juma kúni Science Advances jýrnalynda jarııalanǵan jańa zertteýge sáıkes, AQSh-tyń Kalıfornııa shtatyndaǵy orman órtteriniń tútininen on jyl ishinde 52 000-nan astam adam mezgilsiz qaıtys bolǵan. Bul týraly <a href="ussian.news.cn/20240609/130df0bf0b9c412ab6a5ad8526a4dc76/c.html" target="_blank" rel="noopener">Sınhýa </a>agenttigi habarlady.&nbsp;</p>

Shamamen 52,480-nen 55,710-ǵa deıin merziminen buryn qaıtys bolǵandar 2008 jáne 2018 jyldar aralyǵyndaǵy orman órtterinen týyndaǵan usaq bólshekterdiń (PM2.5) lastanýyna baılanysty kóz jumǵany belgili boldy. Bul 432 mıllıard AQSh dollarynan 456 mıllıard AQSh dollaryna deıingi ekonomıkalyq shyǵynǵa ákelgen.

UCLA zertteýshileriniń málimeti boıynsha, eń qatty zardap shekken Los-Andjeles okrýgi boldy, dala órtiniń tútininen 9 224 adam mezgilsiz qaıtys boldy. Odan keıin Sakramento okrýginde 4 147-den astam adam kóz jumǵan. PM2.5 áseri ártúrli densaýlyq problemalarymen, sonyń ishinde tynys alý organdarynyń aýrýlarymen, júrek aýrýlarymen jáne tipti mezgilsiz ólimmen baılanysty ekenin kórsetken.

«Bul Kalıfornııadaǵy órt tútininiń uzaq merzimdi densaýlyqqa áserin taldaýǵa arnalǵan alǵashqy zertteý», — deıdi avtorlar.

Kalıfornııadaǵy orman órti jaǵdaıy, ishinara klımattyń ózgerýi nátıjesinde, Kalıfornııadaǵy 40 mıllıonǵa jýyq adamǵa qaýip tóndirýi múmkin degen pikirde zertteý avtorlary. Olar orman órtteriniń uzaq merzimdi áserin azaıtý úshin agressıvti kúsh salýǵa shaqyrdy.