AQSh-tyń Aıova shtatynda oqýshy mektepte oq jaýdyrdy

<p>Beısenbi kúni tańerteń AQSh-tyń Aıova shtatyndaǵy Perrı orta mektebindegi atystan bir jasóspirim qaza taýyp, taǵy bes adam jaraqat aldy. Oq atqan sol mekteptiń 17 jasar oqýshysy ózin-ózi óltirdi, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttigi <a href="https://www.bbc.com/russian/articles/cpw3y19dwe9o" target="_blank" rel="noopener">VVS</a> basylymyna silteme jasap.&nbsp;&nbsp;</p>

Polıtsııa qysqy kanıkýldan keıingi birinshi kúni tańerteń sol mekteptiń 17 jasar oqýshysy Dılan Batler oqýshylarǵa oq jaýdyrǵanyn habarlady.

Ol pompa qarýymen jáne tapanshamen qarýlanǵan. Polıtseıler onyń ózin atyp óltirgenin jetkizdi.

Mektep ǵımaratynan úıde qoldan jasalǵan jarylǵysh qurylǵy da tabyldy. Ony saperler zalalsyzdandyrdy.

Polıtsııa qylmys ornyna 7 mınýttan keıin keldi. Keıinirek FBI agentteri men terrorızmge qarsy arnaıy kúsh qyzmetkerleri polıtsııaǵa qosyldy.

Atys tańerteń jeti jarymda bastaldy, ol kezde sabaq áli bastalmaǵan.

Mektep ǵımaratynda salystyrmaly túrde oqýshy az edi, bul kisi óliminiń tym kóp bolýynan saqtap qaldy.

Jergilikti BAQ habarlaǵandaı, oqıǵadan keıin kelgen mektep oqýshylary úılerine qaıtarylǵan.

Perry High School shtat astanasy De Moınnyń soltústik-batysynda ornalasqan 8 myńnan astam turǵyny bar Perrı qalasynda ornalasqan.

Ol jergilikti qaýymdastyqtyń mektep jelisine kiredi, onda jalpy sany 1 785 bala oqıdy.