AQSh tennıs qaýymdastyǵy US Open týrnıriniń ótkizilýine qatysty málimdeme jasady

NUR-SULTAN. QazAqparat - AQSh tennıs qaýymdastyǵy (USTA) US Open týrnıriniń ótkizilýine qatysty málimdeme jasady, dep habarlaıdy olympic.kz.

«USTA-nyń basty maqsaty – 2020 jylǵy US Open týrnırin josparlanǵan ýaqytynda Nıý-Iorkte, kórermenderdiń qatysýymen ótkizý. Alaıda, COVID-19 indetiniń keń beleń alýyna baılanysty ózge de múmkindikterdi, sonyń ishinde jarysty kórermensiz ótkizýdi qarastyryp jatyrmyz. Týrnırdiń aýystyrylýyna qatysty sybys ta kóp. Biraq bul bizdiń bastapqy mindetimiz emes ekendigin aıtqymyz keledi, dese de biz túrli nusqalardy qarastyrýdamyz. Jarys kezinde qatysýshylardyń densaýlyǵyna nuqsan keltirmeý bizdiń basty mindetimiz sanalady. Sheshim 6-8 aptadan keıin, maýsym aıynyń ortasynda qabyldanady», - delingen málimdemede.