AQSh-tan kelgen eriktiler Qaraǵandy aýyldarynda balalarǵa aǵylshyn tilin úıretedi

ASTANA. QazAqparat - Qaraǵandy oblysy «Jas Otan» jastar qanaty men «Bolashaq» qaýymdastyǵy birigip júzege asyryp jatqan «English for Jastar» jobasyna qatysady. Sharaǵa iri otandyq jáne halyqaralyq uıymdar seriktes boldy, dep habarlaıdy oblystyq ákimdiktiń baspasóz qyzmeti.

Oblysymyzdyń alty aýyldyq mektepterinde 12 eriktiler jumys istep jatyr, olar balalarǵa aǵylshyn tilin úıretip jatyr. Olardyń ekeýi sol til ıegerleri bolyp tabylady. Garvardtan kelgen Kennet Palmer Osakarov aýdanynyń balalarymen jumys isteýde. Al Nıý-Iorkten kelgen Mırıam Grınfıld Nura aýdanynyń oqýshylaryn oqytyp jatyr.

Qalǵan 10 eriktiler qaraǵandylyq JOO-nyń úzdik stýdentteri arasynan tańdap alyndy.

- Eki aı aralyǵynda bes júzden astam aýyldyq balalar men ustazdar kún saıyn sóılesý klýbtarynda tildik tájirıbeden ótedi. Buryn-sońdy ondaı bolǵan emes. Aýyldyq balalar shet tili ıegerinen tikeleı dáris alyp kórmegen, - deıdi Qaraǵandy oblysynyń ákimi, «Nur Otan» partııasynyń oblystyq fılıalynyń tóraǵasy Erlan Qoshanov eseptik-saılaý konferentsııa barysynda.
 

Jobanyń mindeti - aýylda aǵylshyn tilin engizip qana qoımaı, aýyl jastaryn básekege qabiletti etý, dep atap ótti ol.

- Bizge aǵylshyn tildi saıttardan ózderine qajetti aqparatty, óz betinshe ónimderin ótkize alatyn naryqty izdep, taba alatyn, jańa tehnologııalardy engizetin, álemdi sharlaıtyn aqyldy, alǵa jyljyǵan argarııler kerek emes pe, - dedi Erlan Qoshanov.

Aımaq basshysy atalmysh joba bir rettik qana bolyp qalmaı, jalǵasyn tabatynyna úmittenedi.