AQSh-tan iri kólemde esirtki tasymaldaǵan almatylyqtar ustaldy
09:06, 05 Qazan 2022
ASTANA. QazAqparat - Qarjylyq monıtorıng agenttigi Almaty qalasy boıynsha departamenti qalanyń Avıatsııalyq kólik prokýratýrasymen birlesip asa iri mólsherde esirtki kontrabandasynyń jolyn kesti, dep habarlaıdy QazAqparat.
2 qazanda AQSh-tan poshta jóneltilimderin alyp, jalpy salmaǵy 648,98 gr marıhýana, sondaı-aq 675,65 gr gashısh tasymaldaǵan Almaty qalasynyń turǵyndary ustaldy.
«Kúdiktilerdi tintý barysynda elektrondyq tarazylar men ólshep oraýǵa qajetti basqa da quraldar tabyldy. Qazirgi ýaqytta tergeý júrgizilip jatyr, kúdiktiler qamaýǵa alyndy», - delingen agenttik habarlamasynda.