AQSh-tan esirtki salynǵan oıynshyqtarǵa tapsyrys bergen adam 10 jylǵa sottaldy

<p>AQSh-tan esirtkige tapsyrys bergen Qazaqstan azamaty 10 jyl 6 aıǵa sottaldy. Bul týraly QR Bas kólik prokýratýrasynyń <a href="https://www.gov.kz/memleket/entities/gtp/press/news/details/689594?lang=kk" target="_blank" rel="noopener">baspasóz </a>qyzmeti habarlady.</p>

Baspasóz qyzmetiniń málimetterine qaraǵanda, 2023 jyldyń sońynda alqabıler iri kólemdegi esirtki kontrabandasymen aınalysqan azamat A.-ǵa qatysty aıyptaý úkimin shyǵardy.

Úkim boıynsha kináli tulǵa sot úkimimen 10 jyl 6 aıǵa bas bostandyǵynan aıyryldy.

Memlekettik aıyptaýshy sotqa aıypkerdiń AQSh-tan halyqaralyq poshta jóneltilimderi arqyly ishine esirtki salynǵan balalardyń oıynshyqtaryna tapsyrys bergeni jáne alǵany týraly bultartpas dálelder keltirdi. Esirtki Qazaqstan aýmaǵynda satý jáne odan materıaldyq paıda tabý maqsatynda alynyp kelingen.

Úkim zańdy kúshine engen joq.

«Ótken jyldan bastap alqabılerdiń qatysýymen qaralatyn asa aýyr qylmystyq isterdiń tizbesi keńeıtildi. Olardyń qataryna esirtki quraldary men psıhotroptyq zattardyń zańsyz aınalymymen baılanysty qylmystyq quqyqbuzýshylyqtar da endi»,-delingen baspasóz-baıanynda.