AQSh-taǵy iri banktiń bankrotqa ushyraýy: Federaldy rezerv júıesi qosymsha qarajat bóledi

ASTANA. QazAqparat - AQSh qarjy retteýish uıym bankrotqa ushyraǵan Silicon Valley Bank salymshylarynyń dúısenbiden bastap óz qarajattaryna tolyqtaı qol jetkize alatynyn málimdedi, dep habarlaıdy QazAqparat Euronews-ke silteme jasap.

Sonymen qatar AQSh Federaldy rezerv júıesi bankterdiń qarjy turaqtylyǵyn qamtamasyz etý úshin qosymsha qarajat bóledi.

«Men osy máselege kinálilerdi tolyq jaýapqa tartýǵa jáne budan bylaı mundaı jaǵdaıǵa tap bolmas úshin iri bankterdi qadaǵalaý men retteýdi kúsheıtýge baǵyttalǵan áreketterimizdi jalǵastyrýǵa nıettimin», - dedi AQSh prezıdenti Djo Baıden.

Silicon Valley Bank bankrottyǵy týraly osy ótken jumada belgili boldy. Kremnıı alqabyndaǵy jetekshi kredıtorlardyń biri qıyndyqtarǵa tap boldy. Bank jabylǵan soń paıyzdyq mólsherleme de ósip, klıentterge soqqy bolyp tıdi.

Eske salaıyq, Tesla men SpaceX-ti basqaratyn jáne Twitter-diń ıesi Ilon Mask bankrotqa ushyraǵan Silicon Valley Bank-ti (SVB) satyp almaqshy.