AQSh-taǵy ózbek mıgranttary Djo Baıdendi sotqa berdi

<p>TAShKENT. KAZINFORM &ndash; Meksıka arqyly AQSh-qa barǵan Ózbekstan azamattary el prezıdenti Djo Baıdendi sotqa berdi, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttiginiń Tashkenttegi menshikti tilshisi Álıhan Asqar.</p>

Ózbekstannyń Syrtqy ister mınıstrligine qarasty Daryo aqparat agenttiginiń málimetinshe, AQSh-tyń túrli ımmıgratsııalyq ortalyqtarynda otyrǵan 35 Ózbekstan azamaty aryz túsirgen.

Qazir olar sot arqyly AQSh prezıdenti Djo Baıdenge, Іshki qaýipsizdik mınıstrliginiń hatshysy Alehandro Maıorkasqa, Immıgratsııa jáne keden qyzmeti dırektorynyń mindetin atqarýshy Patrık Leıhhaıtnerge talap qoıyp otyr. Ózbekstandyqtar ózderiniń ustalýyn zańsyz dep tanýdy suraıdy. Óıtkeni ol ulttyq kemsitýshilik bolyp sanalady. Sonymen qatar olar advokatqa jumsalǵan shyǵyndardy ótep berýdi talap etken.

«Biz demalys kúni sotqa júgindik jáne ol qazirgi ýaqytta qaralyp jatyr. Sot bul ótinishti júıege engizdi, kelesi qadam – úkimettiń atalǵan sheshimdi qabyldaýy. Keıin biz isti júrgizetin sýdıanyń taǵaıyndalýyn kútemiz», - dedi advokat Abadır Barre.

Sondaı-aq qujatta ózbekstandyqtar talapqa saı kelmeıtin tergeý ızolıatorlarynda otyrǵanyn jáne advokatpen kezdesý shektelgenin atap ótken.