AQSh-taǵy boran saldarynan 46 áýejaıda reıster keshigýi múmkin

<p>ASTANA. KAZINFORM &mdash; Qarly boran Kanzastan Nıý-Djersıge deıin soǵady. Mıssýrıdiń soltústik-shyǵysynan Ortalyq Appalachıge deıin qalyńdyǵy 8-14 dıýım (3-5 sm) qar jaýady dep boljandy.</p>

«Amerıka daýysy» málim etkendeı, birneshe shtattyń bıligi jeksenbi kúni boran soǵyp, qar jaýatynyn, kólik qozǵalysynyń buzylýyna ákeletin qysqy tsıklonnyń jaqyndap kele jatqanyn eskertti.

American Airlines Kanzastan Nıý-Djersıge deıingi 46 áýejaıdy qamtıtyn jolaýshylarǵa eskertý jasady, óıtkeni daýyl AQSh-tyń orta bóliginen shyǵys jaǵalaýǵa qaraı jyljıdy dep boljanýda.

Ulttyq sınoptıkalyq qyzmeti (NWS) Kanzas pen Mıssýrıde daýyl turatynyn, sondaı-aq Kolýmbııa okrýgine deıingi aımaqtarda boran soǵatynyn eskertti.

CNN málimetinshe, búkil el boıynsha 70 mıllıonǵa jýyq adam kele jatqan tsıklon týraly eskertý aldy.

Sınoptıkter daýyl batystan shyǵysqa qaraı jyljyp, jeksenbi kúni tańerteń Kanzasta qar aralas jańbyr jaýatynyn boljady.