AQSh-ta júırik atqa Elena Rybakınanyń esimi berildi

<p>AQSh-ta júırik atqa qazaqstandyq tennısshi Elena Rybakınanyń esimi berildi, dep jazady Sports.kz.</p>

Equibase-tegi profıline sáıkes, Rybakına esimdi úsh jasar jylqy óziniń jarystaǵy mansabyn jaqynda — 2023 jyly bastaǵan.

Osy ýaqytqa deıin eki jarysqa qatysyp, onyń birinde úshinshi oryn aldy.

«Rybakınanyń» jalpy tabysy búginde 7 340 dollar bolǵan. 

Aıta keteıik, asyl tuqymdy júırik atqa Qazaqstannyń ataqty sportshylarynyń esimin berý birinshi ret emes.

2020 jyldan beri ataqty boksshy Gennadıı Golovkınniń esimimen atalatyn Golovkın atty sáıgúlik AQSh-ta óner kórsetip júr.

Jylqynyń kásibı rekordy 40 jarysty qamtıdy.

Onyń tórteýin jeńip, alty jarysta ekinshi jáne taǵy beseýinde úshinshi oryndy ıelenip, ıesine 94 809 dollar tabys ákeldi.