AQSh-ta jeńilmotorly ushaq apatqa ushyrady

NUR-SULTAN. QazAqparat – Amerıkanyń Kalıfornııa shtatyndaǵy Van-Naıts aerodromy mańynda Thunder Mustang TM-1 jeke birqozǵaltqyshty ushaǵy apatqa ushyrady. Kóliktiń qıraýy saldarynan ushqysh mert boldy, dep habarlaıdy QazAqparat CBS telearnasyna silteme jasap.

Bılik organdarynyń málimeti boıynsha, ushaq azamattyq qajettilikterge yńǵaılastyryp qaıta jasalǵan, óıtkeni ol Ekinshi Dúnıejúzilik soǵys jyldary AQSh-tyń áskerı-avıatsııa salasynda keń qoldanysta bolǵan Thunder Mustang joıǵyshy bazasynda jasalǵan.

Ushaqtyń apatqa ushyraýyna baılanysty tergeý jumystary bastaldy. Mamandardyń aıtýy boıynsha, apat saldaryn anyqtaý qıyn bolmaq, óıtkeni ushaq qırap qalǵan jáne jermen soqtyǵysqannan keıin órtengen.