AQSh-ta jappaı atys oqıǵalary boıynsha antırekord tirkeldi

VAShINGTON. QazAqparat – Tamyz aıynyń ortasynda AQSh-ta jappaı atys oqıǵalarynyń sany aldyńǵy jyldardaǵy kórsetkishterden asyp tústi. Elde kezekti antırekord tirkeldi, dep habarlaıdy QazAqparat TASS agenttigine silteme jasap.

«Bıylǵy jyldyń 227 kúninde 41 shtatta jáne Kolýmbııa astanalyq okrýginde jappaı atystyń 443 deregi boldy», - dep habarlaıdy Gun Violence archive portaly.

Sarapshylar esebine súıensek, bıyl elde jappaı kisi óltirýdiń 28 oqıǵasy boldy.

Byltyr osy ýaqytta AQSh-ta jappaı atystyń – 414, jappaı kisi óltirýdiń 19 jaǵdaıy tirkelgen edi. Al 2021 jyly osyndaı 688 oqıǵa oryn aldy, bul – keıingi onjyldyqtaǵy eń joǵary tsıfrlar.

Portaldyń habarlaýynsha, tamyzdyń ortasyna qaraı jappaı atysýdyń – 433, kisi óltirýdiń 18 qylmysy boldy. Eger qazirgi dınamıka saqtalsa, ıaǵnı kúnine orta eseppen eki jappaı atys oqıǵasy tirkelse, jyl sońyna deıin AQSh-ta osyndaı 700-den astam epızod bolýy yqtımal.

Eske sala ketsek, jappaı atys – ondaǵan jyldar boıy Amerıka qoǵamynyń eń ózekti máseleleriniń biri. 2023 jyldyń qańtarynda ǵana AQSh-ta 51 jaǵdaı bolyp, saldarynan 87 adam qaza tapty, 180-den astam adam jaraqat aldy.