AQSh-ta úshinshi adam qus tumaýyna shaldyqty

<p>ASTANA. KAZINFORM &ndash; AQSh-ta sút fermasynyń úshinshi qyzmetkeri qus tumaýyn juqtyrǵany anyqtaldy, dep habarlaıdy <a href="https://time.com/6983927/bird-flu-outbreak-person-infected/" target="_blank" rel="noopener">Time</a>.&nbsp;</p>

Mıchıgan shtatynyń densaýlyq saqtaý jáne halyqqa qyzmet kórsetý mınıstrliginiń málimetinshe, Mıchıgan fermasynyń jumysshysy aýrý sıyrlarǵa jaqyndaǵannan keıin odan respıratorlyq belgiler baıqalǵan. Qyzýy kóterilmese de jótelip, kózinen jas aqqan. 

Mıchıgannyń densaýlyq saqtaý departamenti ótkizgen patsıent úlgileriniń synaqtary onyń qus tumaýynyń shtamy A(H5) tumaýyna shaldyqqanyn kórsetti. AQSh-tyń Aýrýlardy baqylaý jáne aldyn alý ortalyqtary (CDC) ǵalymdarynyń qosymsha synaqtary bul qorytyndyny rastady. 

Mıchıgandaǵy (basqa ferma) jáne Tehastaǵy aldyńǵy eki jaǵdaıda naýqastardan respıratorlyq belgileri bolmady, biraq kózden jas aǵý boldy. Mıchıgandaǵy birinshi jaǵdaıda sút fermasy jumysshysynyń kózine lastanǵan sút tústi, ol eshqandaı qorǵanys quraldaryn kımegen. Ekinshi jaǵdaıda, Tehastaǵy jumysshy betperde kımegen jáne aýrý janýarmen tikeleı jumys istegen.

CDC málimdeýinshe, sıyr indeti janýarlarmen jumys istemeıtin adamdardyń densaýlyǵyna aıtarlyqtaı qaýip tóndirmeıdi. Degenmen, ferma jumysshylary qorǵanys quraldaryn kıip, aýrý nemese óli janýarlardy, sonyń ishinde qustar men sıyrlardy ustaý kezinde saqtyq tanytýy jáne kez kelgen vırýstyq belgilerdi baqylap, jergilikti densaýlyq saqtaý bólimine habarlaýy kerek. 

Sonymen qatar, CDC halyqqa pasterlenbegen shıki sútti tutynýdan aýlaq bolýǵa keńes beredi.