AQSh-ta turatyn qazaq polıtseı-boksshy nokaýtpen jeńilip qaldy

ASTANA. QazAqparat – Amerıkada turatyn qazaq, boksshy ári polıtseı Dımash Nııazov (14-2-3, 6 KO) Irlandııa ókili Larrı Fraıerske (13-6-1, 5 KO) qarsy jekpe-jek ótkizdi, dep habarlaıdy QazAqparat Sports.kz-ke siltememen.

Atlantık-Sıtıdegi (Nıý-Djersı shtaty, AQSh) kezdesý birinshi jeńil salmaqta (63,5 kg deıin) ótti.

D.Nııazov qarsylasynan tehnıkalyq nokaýtpen jeńildi. Altynshy raýndta qazaq boksshysy qatty soqqydan rıngtiń arǵy betine domalap túsip, tóreshiler aldyndaǵy ústelge qulady. Budan ári Nııazov jekpe-jekti jalǵastyra almady.

Nátıjesinde úsh tóreshi jeńisti Larrı Faıerske berdi. Aıqas toqtatylǵan sáttegi esep – 59:55.

Irlandııalyq sportshy úshin bul mansabyndaǵy 13-inshi jeńis. Bul rette Dımash Nııazov rıngte ekinshi ret jyǵylyp tur.

Aıta keteıik, qazaq boksshysy Nıý-Iorkte polıtsııa qyzmetkeri bolyp eńbek etedi.