AQSh-ta tumaý órship tur: 15 mln adam aýyryp, 8 myńnan astamy kóz jumǵan
16:16, 31 Qańtar 2020
NUR-SULTAN. QazAqparat – Álem pnevmonııanyń jańa túriniń taralýynan dúrligip jatsa, AQSh halqy eldegi tumaýdyń joǵary qarqyn alýyna alańdaýly, dep habarlaıdy QazAqparat CNN-ge silteme jasap.
2019-2020 jyldardaǵy maýsymda osy aýrýdan elde 8200 adam qaıtys bolǵan. Olardyń arasynda 54 bala bar.
Bıylǵy maýsymda 15 mln adam osy dertke shaldyqqan. AQSh-tyń Aýrýlardy baqylaý jáne aldyn alý ortalyqtary (CDC) tumaýdyń qarqyndylyǵy sońǵy 11 apta ishinde artyp kele jatqanyn jáne bunyń áli de saqtalatynyn habarlady.
Ortalyqtyń málimetinshe, AQSh-ta tumaýdan jáne onyń asqynýynan jyl saıyn keminde 12 myń adam kóz jumady, al 2017-2018 jyldardaǵy maýsymda 61 myń adam qaıtys bolǵan, 45 mln adam aýyrǵan.