AQSh-ta týǵan qazaq balalaryna ana tilin úıretetin klýb ashyldy

<p>Qazaqstan Respýblıkasynyń Vashıngtondaǵy Elshiligi AQSh-taǵy balalardyń qazaq tilin úırenip, qazaq mádenıetin saqtaýǵa degen qyzyǵýshylyǵyn arttyrý maqsatynda túrli sharalar ótkizip jatyr, dep habarlaıdy <a href="https://www.inform.kz/ru/detey-v-ssha-obuchayut-kazahskomu-yaziku-276698" target="_blank" rel="noopener">QazAqparattyń</a> menshikti tilshisi.</p>

Jyl basynda qurylǵan «Qazaqsha sóıleý klýby» («Kazakh speaking club») volonterlik negizde jumys isteıdi.

Qazaq tilin úıretý sabaqtarynyń ereksheligi — balalarǵa túrli kórnekilikter kórsetip, qyzyqty oıyndar oınatý arqyly oqytý ádisinde.

Foto: Foto: Rýstem Kojybaev

Uıymdastyrýshylar klýbtyń maqsaty jaı til úırený sabaqtaryn ótkizýden áldeqaıda aýqymdyraq ekenin aıtady.

Negizgi ıdeıa — balalarǵa ana tili arqyly qazaq mádenıetin meńgerý alańyn qalyptastyrý. 

Budan ózge, klýb qazaq dıasporasy men olardyń balalaryn tanysýǵa, ózara qarym-qatynas jasap, birigýge yqpal etedi. Jasalatyn tildik orta balalarǵa qazaq tilinde, onyń ishinde kúndelikti ómirde ózara qarym-qatynas jasaýǵa múmkindik beredi.

Foto: Foto: Rýstem Kojybaev

Klýbtyń ár kezdesýi salt-dástúr, mýzyka, óner syndy túrli taqyrypta ótedi. 

Sabaq qazaq, orys jáne aǵylshyn tilderinde júrgiziledi. Sebebi, balalardyń barlyǵy qazaq tilinde sóıleı bermeıdi, al keıbireýlerine aǵylshyn tilindegi tapsyrmalardyń sharttaryn túsiný ońaıyraq.

Bir aıta keterligi — Amerıkada dúnıege kelgen sábıler óte kóp.

Foto: Foto: Rýstem Kojybaev

Klýbqa kelý olardyń qazaq mádenıetin boılaryna sińirip, ana tilin bazalyq deńgeıde meńgerýlerine múmkindik beredi.

Sabaqqa júıeli túrde kelip júrgen balalar QR Memlekettik Ánuranynyń mátinin jattap aldy.

Foto: Foto: Rýstem Kojybaev